Blackview WW
تم النشر فى : الأحد، 6 ديسمبر 2020
الناشر : مؤسسة الوطن العربى الإعلامية - لندن ، المملكة المتحدة . WA MEDIA FOUNDATION - LONDON, UK

ضى القمر - للأستاذ محمود درويش ، مصر




الوطن العربى اليومية - القاهرة ..

ضى القمر - للأستاذ محمود درويش ، مصر .

ضى القمر مهزوم على بابك
لابد بيبكى فى زاوية عشقه
موال حزين بيرثى موت
الذكرى لاحبابك
الوتر فى إيديه انكسر
وأتحول غناه لنواح
مين اللى فينا خان
ومين على عهده صان
هما يومين غبت فيهم عن عينيك
راجع وشايل مهرك على كفى
واللى باقى من عمرى
بتمنى أوفى واكفى
وكفى حمامة سلام
وغصن زيتون أخضر
وتوب حرير غزلته
من ضيا شمسى
وعقد لولى حباته
بتضوى من لهيب نفسى
وبين إيديه نجمه
بتشع فى سماكى وبتمسى
راجع وجوايا حنين
بيشكيلك من عذاب أمسى
لافف حنينى طوق حديد على رقابتى
لأجل عيونى متشوفش غير صورتك بمرياتى
لاجل مكونش غير ليكى
وواسى وحدتى والشكوى بصمتى
كل بيبانك ليه قفلتيها
إسمى ورسمى من عيونك محيتيها
أتكلمى مين خطى أعتابك
أتكلمى مين سمحتى له دخل بابك
شايف سكاتك وضحكه بهته فى عينيكى
متجرده من عفافك وماختشيتى
فوق السحاب كنت بشوفك وأرسمك
كنت بقولك أحلمى 
والحلم بقدرأحققه
وأمسك بإيديك
فوق جبين المستحيل
أشوف خطوتك
بتتمايل فوق السحاب
والغنوه بين شفايفك 
تترجانى كفايه بعاد
أجرى عليكى احضنك
ونتقابل لقأ أحباب
ليه الحلم جواكى إنهزم
والحقيقه بقت سراب
ليه الأمانى أتغيرت 
والعهد بينا راح بيومين غياب
هى كانت دى حقيقتك
وإللى كنت بعيشه أمل كداب
والحقيقه خداع فى خداع
وخريف يقابل شتا
والعمر ولى وضاع


الناشر :

الناشر مؤسسة الوطن العربى الإعلامية - لندن ، المملكة المتحدة . WA MEDIA FOUNDATION - LONDON, UK على 2:00:00 ص. فى باب . يمكنك متابعة أخبارنا وموضوعاتنا والتعليق عليها من خلال الدخول إلى RSS 2.0. ، فأهلاً بك

للحصول على نسختك الورقية من هنا ، إضغط هنا لطباعة الصفحة

اترك الرد

تفضل بوضع تعليقك هنا وأهلا بك وتعليقك الملتزم المحترم

Translator of WA Daily Newspaper

للحصول على نسختك الورقية من هنا

الارشيف

مواقيت الصلاة بالعالم - إختر دولتك ومدينتك

الحمـلة العالميـة لمقاومـة التطبيـع مع العدو

حركة مقاطعة إسرائيل "بي دي اس" (حركة مقاطعة العدو الصهيوني)

تحويل العملات ، وأسعار الصرف

كاريكاتير

إنفوجرافيك

Blackview WW