Blackview WW
تم النشر فى : الاثنين، 16 سبتمبر 2019
الناشر : مؤسسة الوطن العربى الإعلامية - لندن ، المملكة المتحدة . WA MEDIA FOUNDATION - LONDON, UK

أنا مش بيرم - كلمات الشاعر : طه إبراهيم




الوطن العربى اليومية - لندن..


أنا مش بيرم - كلمات الشاعر : طه إبراهيم
-------

انا   عارف  اني  مانيش   بيرم

ولا عمري  اطول ...............

ولا حتي الشعرا  اللي  ف عهده

ولا حتي  ف  دول ..............

 ولا حتي الناس  اللي  اشتهروا 

بكلام   معسول ...............  

ولا   حتي    فلان   اللي  اتغزل

ف عيون الغول ...................

ما هو  واحد   بردو   من  اياهم

بيصول ويجول ...............

لو   فكره  وخطرت  علي   باله

هيلاقي حلول ...................

من  اصغر  واحد   ف   الناحيه

لأكبر مسئول  ..................

واهي  دنيا ومشيه  علي  هواهم

يا  بلح زغلول ..................

مش  لسه   انا  وانت   بنشتنشق

علي طبق الفول ..............

ويا   رتنا     بنعجب     اسيادناا

كان بردو يهون  ................

انا   عارف  اني  مانيش   بيرم

ولا  عمري اطول ..............

وان    قلت     اتهته     واتلخبط     

ويقولوا  خجول .................

وبشد  الحرف  عشان   يخرج

يطلع  مفتول ...................

يتعثر   زي    ما اكون   باولد

والخلفه  عجول  ...............

انا  عارف   إن   ما نيش   بيرم

وده شرحه يطول  ..............

انا  واحد     عايش     لمزاجي

وبحب  القول  ...............

وبحب  الكلمه    اللي   تحرك

جوايا  ميول ....................

انا    واحد     عاشق    للكلمه

من  زمن  القول ...............

انا واحد عاشق  صوت  سومه

ويّا  الجندول ....................

وبحب      النغمه    المرسومه

لو كت باصول .................

وبحب    جويده    وعم   احمد

والشيخ بهلول ..................

والمعني  يعشش   ف   دماغي

ولا عمره  يزول ...............

انا    عاشق     جدا      للكلمه

لوفيه مسئول ...................

الشعر   بجد      بقي    مقرر

وكلام منقول ....................

وانا  عقلي  اتشتت    واتلخبط

مش عارف اقول ...............

مين    يقدر    يجي   يرجعني

وافضل علي طول .............
----------------------------

الناشر :

الناشر مؤسسة الوطن العربى الإعلامية - لندن ، المملكة المتحدة . WA MEDIA FOUNDATION - LONDON, UK على 8:54:00 ص. فى باب . يمكنك متابعة أخبارنا وموضوعاتنا والتعليق عليها من خلال الدخول إلى RSS 2.0. ، فأهلاً بك

للحصول على نسختك الورقية من هنا ، إضغط هنا لطباعة الصفحة

اترك الرد

تفضل بوضع تعليقك هنا وأهلا بك وتعليقك الملتزم المحترم

Translator of WA Daily Newspaper

للحصول على نسختك الورقية من هنا

الارشيف

مواقيت الصلاة بالعالم - إختر دولتك ومدينتك

الحمـلة العالميـة لمقاومـة التطبيـع مع العدو

حركة مقاطعة إسرائيل "بي دي اس" (حركة مقاطعة العدو الصهيوني)

تحويل العملات ، وأسعار الصرف

كاريكاتير

إنفوجرافيك

Blackview WW